Slik kan det gå..

I dag beviste eg endå ein gang at eg tenker lagt frå klart når eg har eksamen.

Eksamen starta perfekt. Fekk akkurat det temaet eg ville ha. Klarte alle små ekstrasprøsmål. Professoren smilte. Eg smilte. Det gjekk som ein drøm.

Heilt til eg gjorde "eksamenssjølvmord"..

Professoren sa: "Ja, dette går jo strålande, men me har litt tid igjen.. Så kva syntes du var mest interessant i dette faget? Var det noko du likte spesielt godt?"

Og hovudet mitt var heilt tomt. Verkeleg heilt tomt. Men i stadenfor å vente og tenke meg litt om så seier eg det aller fyrste som dett ned i hovudet mitt. Problemet er berre at dette aller fyrste er det einaste eg veit absolutt ingenting om. Dette går sjølvsagt opp for meg i same sekund som eg seier det, men då er det allereie for seint.

Resten av eksamen handler om "mitt favorittema". Det går mildt sagt dårleg. Eg er sint på meg sjølv. Professoren er kjempeforvirra. Og ingen smiler spelsielt mykje lenger. På eit tidspunkt seier professoren med eit sukk:" Men eg trudde jo at du ville snakke om dette."

Jaja, slik kan det gå.
Men eg tar det ikkje spesielt tungt.

Igjen eksamensperiode...

Ja, no er det lenge sidan sist det vart skrive noko her. Faktisk eit heilt semester.

No er det igjen eksamensperiode. Dvs, det er igjen tid for å vaske, rydde, vaske litt meir, sitte i kantina, tulle, sitte på bistroen, vaske litt meir, blogge, shoppe, rydde litt til, feste litt halvveis og kanskje  lese litt innimellom og fram for alt ha konstant dårleg samvit. Ei rett og slett herleg tid!

Det er kaldt! Og eg sit ute og frys. Kvifor gjer eg det? Jo, fordi Bülachhof eit fantastisk tåpeleg internettsystem. Noko som gjer at internett er vêravhengig og mildt sagt ustabilt.

Vêravhengig? Ja, det virker ikkje når det er for kaldt, når det er for varmt, ikkje i skodde og ikkje i for mykje regn. Dvs, det virker ganske ofte ikkje.

Og kva er så dette systemet? Jo, det er eit lasersystem. Eit veldig tullete og ustabilt lasersystem.

Så difor sit eg no (som så mange gangar før) i trappa og frys. For her er det trådlaust nett.

600 sider...

600 sider... det er ganske mykje det...

3 dager til eksamen.... det er ganske kort tid det...

Det er mange store bilder, men likevel... dette virker ikkje så veldig lovande.

" Det er med menneskene som med stjernene;
  det finnes selvlysende legemer som gir
  kraft og sol til andre"

                                         Bjørnstjerne Bjørnson

Allerede lei...

Ei veke er gått. Lite er gjort. Og eg er allerede dritlei av heile eksamensperioden.

Eg er lei av fysikkbibliotekt. Eg er lei av kjemibiblioteket. Eg er nesten lei av det grønne biblioteket
og eg er dritlei av rommet mitt. Eg treng ein ny leseplass, eg treng nye impulsar.

Eg trudde den fyrste eksamen skulle vere plankekjøring. Eg håpte vel egentleg at 3 eksamenar
skulle vere ganske greie. Har no akkurat oppdaga at den fyrste eksamen ikkje akkurat er 
plankekjøring likevel. Og det var jo litt synd..

Huff! Synest litt synd på meg sjølv. Og er litt sint på meg sjølv. Kva har eg til dømes gjort i dag? 
Lite, rett og slett lite .

Ja, ja. Ny dag i morgon.

Og der var semestert slutt...

På fredag var vintersemesteret slutt! Oj, så deilig :) Ingen fleire forelesningar før langt ut i mars.

Så denne helga slapper eg av. I går var Siri, Astrid og meg i Baden. I turistguiden vår sto det at det egentlig er ingenting å sjå i Baden, det einaste som er verdt å gjere der er å bade... Og det viste seg å vere ganske så sant. Men bading var fint. Me prøvde diverse boblebad og "massasjespruter", men hadde ikkje tolmodighet til å følge det oppsatte "progammet" der ein skulle flytte seg til neste massasjedings kvar gong det kom eit pling. Så istadenfor svømte me rundt i utebassenget i sola :) Dette vatnet skal visst vere veldig helsebringane, så eg venter spent på effektane.

Men at semesteret er slutt betyr jo egentlig berre at eksamensperioden begynner... Så i dag skal eg sortere papir. (I tillegg til at eg må litt ut i sola, for det er ein stålande dag i dag.) Og i morgon skal eg vere kl 09.00 på biblioteket for å begynne å lese. Fyrste eksamen er 20.februar, så eg har alle muligheitar til å lære mykje! (og berre sånn i tilfelle nokon er interessert... dei andre eksamensdatoane mine er: 1.3, 5.3 og 14.3)

Semesterputz

Denne helga hadde me Semesterputz. (= semestervask)

Det betyr at alle fellesareal skal vaskast ned. Ned, ned, ned. Heilt ned til bunnen. Det er verkeleg ikkje tull og seie at ALT skal vaskast.

Så i Bülachhof 1/12 begynte me friske, opplagde og med glad musikk på søndags formiddag. (Planen var egentleg å starte lørdag, men sidan Marta sin gebursdagsfest var på fredag så var me litt reduserte på lørdag..)

Me vaska, vaska og vaska. Alle krokar. Inni ventilar og oppi lampar. Og til slutt skura me heile golvet (steingolv) med svampar.

Og mandagskveld gjorde me siste finishen! Pynta litt, og gjekk paranoide rundt og lette etter ting som kanskje ikkje var bra nok...

Og så, på tirsdag kom Mario. Vaktmester Mario. Mario som er viden kjent for å finne alle støvkorn, alle kalkflekkar og ellers alt som ikkje er reint. Har ein gløymd eit eller anna så kan ein vere sikker på at Mario finn det!

Og dommen.. Ikkje godt nok! Sjølvsagt.
Det er liksom berre slik det er. Ingen har nokon gang høyrt om nokon som fekk godkjent fyrste gangen.

Så no har me ei liste med alt som ikkje var bra nok, og det må me fikse til neste tirsdag.. m.a klarte han å finne litt kalk under kranen i dusjen... tenk å reklamere på ein sånn liten bagatell!! Ganske utruleg.

Men no har me det reint. Og det er fint :)
Og ganske så morsomt hadde me det òg innimellom.

 

Ja, det snødde meir..

og det snør fortsatt!



Hurra!

Og i går var det tid for ein episode av "Alles nur aus Liebe", Zürichs svar på "Kokte, røde bananer". Kul bar med lita scene. Improvisert soap av teaterstudentar med musikk av "gully & the pepperhumbles" (som er bandet til Engen som er i min Festkörperphysikklasse) 
Kult!

Det snør, det snør....

I kveld snør det! Ikkje mykje, men bittelitt. Akkurat nok til at det er litt kvitt på bakken. Eg håper at det kjem til å komme meir i natt! Dette er den fyrste snøen min i Zürich :)

Og når eg er inne på snø, så tenkte eg at eg kunne fortelle litt om den helga eg var på ski!



Det vil sei, eg aka ein dag, sto på ski ein dag og spelte curling/eisstock ein dag.

For å berre sei det med ein gang: Det var heilt fantastisk å stå på ski! Sola strålte heile dagen, det var påskestemning :)




Det var sjølvsagt altfor lite snø, men det var ein bagatell. (spesielt når ein leiger ski og dermed ikkje får sine egne ski full av gjørme...)

Eisstock i sol var fint! Det er meir og mindre boccia på is. Me hadde to engasjerte pangsjonistar (som berre sankka sveitsertysk) som læremeistarar.  Dei snakka veldig mykje. Forklarte taktikk m.m. Eg forsto ingenting, men nikka, smilte og sa ja, ja.

Curling var snodig. Sjølv i sol.
Ein har på seg ein glatt sole på eine foten slik at ein skal kunne skli. Ein har alltid med seg kosten sin. (Enten for å koste eller for å ha noko å støtte seg på) Det er vel definerte oppgåver for alle på laget. (nr 1, 2, 3 og 4).  Nokon skubber stein, nokon tenker taktikk og leiker trafikklys (merker av siktepunkt og kurleretning) og nokon koster for harde livet. Folk hyler og skrik: "Putzen, putzen!! Curle, curle!" Og til slutt går steinen alltid enten for langt eller for kort. Slik er det berre.

Veldig snart (les morgon) kjem det til å komme bilder på heimesida mi. I tillfelle nokon har lyst til å sjå litt Alper, litt snø, litt gjørme, litt putzen og litt meir :)

Tårer i augene og frysningar på ryggen...

Av og til er musikk så uendeleg vakker.

Tida står stille.
Tonane fyller rommet.
Og ein håper at det aldri, aldri skal ta slutt.

For så lenge det varer,
eksisterer det ingen tankar,
berre kjensler.

I kveld var èin sang slik.

I kveld oppdaga eg flygelhornet.

Ein liten oppsummering av jula

No har eg berre 1 dag igjen av juleferien min. Må begynne å tenke på kva eg skal pakke med meg tilbake til Zürich. Og kanskje eg skal lese litt i skulebøkene mine som eg tok med meg heim, men som endå er så godt som uåpna. Men før det er det kanskje tid for ein kort oppsummering av denne jula.

Eg kom heim natt til 22. desember. Kofferten min vart verandre igjen på Gardermoen, men eg kom meg heldigvis heilt heim utan problem. Våkna opp 22. desember og plutseleg gjekk julestemningen frå 0% til 100%. For heime var det julelukt og juleting.

Så pynta eg juletreet og lagde julepresangar. Gjorde juleting.

I romjula har eg vore innom den nye hytta vår. Den er blitt veldig fin. Eg liker spesielt godt peisen.

Jula har stort sett vore familiejul. Eg har vore mykje heime. Strikka, slappa av, og den type ting.  Eit hederleg unntak var juleselskapet til Henrik (frå IB).

I tillegg så har eg hatt besøk frå USA. Jamie har vore her i fire dagar, og eg har vist han Osterøy og Bergen. I tilnærma konstant skodde og pøsregn.

Og no gleder eg meg til å komme tilbake til Zürich.